:: alternativ`a

BAXIN, BAXIN, BAXIN!
BAXIN, BAXIN, BAXIN!
BAXIN, BAXIN, BAXIN!
BAXIN, BAXIN, BAXIN!
BAXIN, BAXIN, BAXIN!
BAXIN, BAXIN, BAXIN!
BAXIN, BAXIN, BAXIN!

Biz yarımçıq insanlarıq. Hər şeyimiz yarımçıqdı. Ustadımız da, şagirdimiz də, əfəlimiz də, ağıllımız da, sevincimiz də, yasımız da, qələbəmiz də, məğlubiyyətimiz də, müharibəmiz də.

Biz Azərbaycan Yarımçıq Respublikasının vətəndaşlarıyıq.

Demokratiyamız da yarımçıqdı, demosumuz da, kratiyamız da.

Bizim alın yazımıza yazılıb bu yarımçıqlıq… və ya bizim alın yazımız da yarımçıqdı yazmalıydım? Biz sonu görməyəcəyik, bizə bütövlük qismət olmayıb, çünki qərarlarımız da, onların tətbiqi də yarımçıqdı. Bizim ən bütöv əsərlərimiz də bu xəstəlikdən qurtulmayıb, ən böyük yazarlarımız da. Nə Cavidi, nə Sabiri, nə İldırımı, nə Füzulisi, nə Nəsimisi, nə İsa Hüseynovu (ələlxüsus da sonuncu) bütöv ola bilməyiblər.

Gənclərimiz də yarımçıqdı. Eyni zamanda həm Çe Gevaraya, həm Eminemə rəğbət bəsləyən, həm roka, həm meyxanaya qulaq asan gəncliyin beyni yarımçıqdı, qəlbi yarımçıqdı. Bu ölkədə yollar yarımçıqdı, tıxaclar bütöv. Dərslər yarımçıqdı, rüşvət bütöv.

Xəbərlər yarımçıqdı, ölümlər bütöv…

Yarımçıqdı bu ölkədə sevgilər də, vergilər də, bilgilər də,

Yarımçıqdı bu ölkədə beyinlər də, deyimlər də, geyimlər də.

Alimlər də, alimlərə gic deyən də, ayinlər də.

Canilər də, qurbanlar da,

Oyunlar da, qoyunlar da,

tülkülər də yarımçıqdı.

Himnimizdə də bir çatışmamazlıq var sanki.

Bu yazı da yarım…

[Usta]

Ardı